သီရိလင်ကာအမှတ်တရလေးပါ

်

ကမ္ဘာ့ပြတင်းပေါက်

စာဖတ်တဲ့လူက မဖတ်တဲ့သူထက် ခေါင်းတစ်လုံးပိုသာတယ်လို့ပြောကြ
ပါတယ်..တကယ်မှန်တယ်ဆိုတာကြာလေလေပိုယုံလာမိပါတယ်..၁၂နှစ်သား
လောက်ကတည်းက စာပေနဲ့ရင်းနှီးကျွမ်းဝင်အောင်မိတ်ဆက်ပေးခဲ့တဲ့ အဘိုးကို မကြာခဏသတိတရလည်းဖြစ်မိပါတယ်...ဘွဲ့တွေဒီဂရီတွေမရပေမယ့်လည်း
စာပေရဲ့ကျေးဇူးကြောင့် ပဲ ကိုယ့်ကိုယ်ကို ထိန်းမတ်နေနိုင်ခဲ့တာ စာပေရဲ့ကျေးဇူးလို့ပဲပြောရမှာပါ...ဒီနေရာမှာ မျှဝေချင်တာက စာအုပ်ပေါင်း
၉၀၀၀ကျော် ပိုင်ဆိုင်ထားတဲ့ စာရေးဆရာကြီး လူဝီအယ်အာမိုးပြောတဲ့စကားလေးကိုပါ
"  စာဖတ်ရတာ ပျော်စရာကောင်းလှတယ်ဆိုတာကို ခင်ဗျားသိသွားတာနဲ့
တစ်ပြိုင်နက် ဘ၀မှာ ငြီးငွေ့စရာကင်းသွားရော...စာတစ်အုပ်ဖတ်တိုင်း
စိတ်ဝင်စားမှုဟာတိုးလို့သာလာတယ်ဗျ...ကျုပ်ရဲ့စာကြည့်တိုက်ဟာ
လိုတရမီးခွက်လိုပဲဗျ...သမိုင်းကြောင်းမှာ ဘယ်ခေတ်မဆို လိုရာရောက်အောင်သွားနိုင်တယ်...အတိတ်ကာလက မဟာပညာကျော်
တွေနဲ့လည်း ဆွေးနွေးနိုင်တယ်...ဒဿနပညာရှင်တွေ ဥပဒေချိုးဖောက်သူ
တွေ  နွားကျောင်းသားတွေ  စွန့်စားသူတွေနဲ့လည်း   ဆွေးနွေးနိုင်တယ်...
ဘုရင်တွေ မိဖုရားတွေ သာမန်သင်္ဘောသားတွေနဲ့လည်း ဆွေးနွေးနိုင်တယ်..  
ဟုတ်ပါတယ်....စာအုပ်တစ်အုပ်ဖတ်ရတဲ့အရသာကတော့ ပြောမပြတက်
လောက်အောင်ပါပဲ....ငယ်ငယ်တုန်းက မိုးတွေသည်းကြီးမည်းကြီးရွာတဲ့
ညတွေမှာ စောင်ကိုခေါင်းမြီးခြုံပြီး ရေနံဆီမီးခွက်နဲ့ စားခိုးဖတ်တာ
အမေဆူခံထိခဲ့တာကိုပြန်သတိရမိတယ်....စာအုပ်စာပေရှားပါးတဲ့ ရွာမှာ
စာတစ်အုပ်ကို အခေါက်ခေါက်အခါခါပြန်ဖတ်နေရတဲ့အရသာ...
ခုတော့ရွာကိုပြန်မရောက်တာတောင်ကြာပြီ။  အဲဒီရွာလေးကနေ
မျိုးစေ့ချပေးလိုက်တဲ့ဝါသနာ က ခုထိ စာအုပ်တစ်အုပ်ကို အိပ်ရာဘေးမှာချပြီး ဖတ်ပြီးမှအိပ်ပျော်တက်တဲ့ အထိပါပဲ.....
အားလုံးစာဖတ်ကြစေချင်တယ်ဗျာ...အထူးသဖြင့် ညီ၊ ညီမအ၇ွယ်အားလုံးကို တကယ်တော်စေချင်တယ်..
ကျွန်တော်တို့က မော့ကြည့်နေရတဲ့ ညီ၊ညီမတွေဖြစ်စေချင်တယ်...။။။။။။

အိပ်မက်ထဲကကြွက်

တစ်ခါတစ်လေ စိတ်လိုလက်ရ နေပစ်လိုက်ချင်တယ်...အားကိုယ်းအထားရာတစ်ခုအနေနဲ့ ဘာမှမရှိတော့ဘူးလို့တွေးလိုက်မိတဲ့အခါ  စိုးရိမ်မိပြန်တယ်...အားလုံးဟာ
အဆုံးသတ်တော့မယ့် ပစ္စုပ္ပန်မှန်း တွေးလိုက်တော့လည်းအနာဂါတ်ကို
မျှော်မကြည့််ချင်တော့ပြန်ဘူး...အတွေးတွေနဲ့ပူလောင်နေတဲ့အဖြစ်ကို
ဘယ်သူ့ကိုမှ မကြုံစေချင်ဘူး...အေးငြိမ်းခြင်းဆိုတာက ကိုယ့်ဆီကို တစ်ခါ
တစ်လေမှလာလည်တက်တဲ့ ဧည့်သည်တစ်ယောက်ဆိုတာ သိလာတယ်
တစ်ခါတစ်ရံ အသံကြားတိုင်း  ထကြည့် တက်တဲ့ ညာဉ်တွေနဲ့ အိပ်မက်
ကိုခါးချိုးခံလိုက်ရတဲ့ ဖျက်ခနဲ လွင့်လာတက်တဲ့ မညင်သာမှု့ တွေ
အားလုံးဟာ ဘ၀တစ်ခုပဲလေ
ပြန်လာခွင့်မရတော့တဲ့ ညနက်ထဲက ခြေသံ
ပြီးတော့ သဲလူးထားတဲ့လောကဓံသကြားခဲ
အဲဒါကို လာလာချောင်းနေတဲ့ ကြွက်တစ်ကောင်
အားလုံးဟာ ငါ့ကိုတိုက်ခိုက်နေတဲ့ 
အလွမ်းတပ်မကြီးတစ်ခုပါ.................
 

ဦးနှောက်သေးသိမ်မှု့

အစဉ်အလာတွေက အားလုံးကိုပိတ်ဆို့ထားကြတယ်ဗျာ...စာပေဆန်ဆန်
ပြောရရင် ပညတ်တရားတွေအပေါ်မှာအရေးပေးလွန်းကြတယ်...ကျွန်
တော်အသက်၂၆နှစ်ရောက်ခဲ့ပြီးပါပြီ..ဖတ်ခဲ့မှတ်ခဲ့ကျက်ခဲ့ ရတဲ့အရာတွေဆိုလည်း မနည်းတော့ဘူးလို့ပဲ ပြောရမှာပါပဲ...ရဟန်းတစ်ပါးလည်းဖြစ်တယ်ဆိုတော့
ှဗုဒ္ဓစာပေနဲ့လည်းမစိမ်းဘူးလို့ပြောရမှာပါပဲ...ဒါပေမယ့် တဖြည်းဖြည်းနဲ့သိ
လာတာက ကိုယ်ဟာ တွေးခေါ်တက်တဲ့ဘက်မှာ အရမ်းအားနည်းနေသေး
တယ်ဆိုတာပါ..ဒီအရွယ်ရောက်တဲ့အထိ သင်ယူလာခဲ့တဲ့သက်တမ်းတစ်
လျှောက် ကျက်ဟယ် မှတ်ဟယ် ဖြေဟယ်နဲ့ဒါတွေနဲ့ပဲ နားပန်းသတ်လာခဲ့ရတာ..ကျွန်တော်ရဲ့ပတ်ဝန်းကျင်မှာဆိုလည်း ဘာကိုမှ
ရဲရဲမတွေးရဲလောက်အောင် အားလုံးနေသားတကျ ရှိနေကြသူတွေချည်း
ပဲတွေ့ရပါတယ်..မှန်တယ်လို့အများကသတ်မှတ်ခဲ့ ပြောခဲ့တဲ့အရာတစ်ခုကို
ထပ်ပြီးဝေဖန်ဖို့ စဉ်းစားဖို့ အားလုံးမကြိုးစားကြဘူး..အားလုံးကိုလက်ခံလို
က်ကြဖို့အဆင်သင့်ဖြစ်နေကြသူတွေချည်းပဲတွေ့နေရပါတယ်..ဒါတွေဟာ
တကယ့်အမှန်တရားတွေဟုတ်ရဲ့လား...ဒီနေရာမှာတော့ နည်းနည်းလွဲနေ
သလားလို့ပြောလိုက်မိရင်တောင် မင်းကဘယ်လောက်တက်လို့လဲ..သိတဲ့တက်တဲ့သူတွေလုပ်ထားခဲ့တာကို
ဟုတ်ပါပြီ အဲဒါဖြင့်ရင် ဘာမှမသိမတက်လို့ ဖြင့်ရင်
ဘာမှတွေးတောပိုင်ခွင့်မရှိတော့ပြီလား..အရာရာကို ဒီအတိုင်းပဲလက်ခံနေ
ကြမယ်ဆိုရင် ကျွန်တော်တို့တွေ နယ်ချဲ့တွေရဲ့လက်အောက်က  ခုထိလွတ်
ကြဦးမယ်မထင်ဘူး...ဗိုလ်ချုပ်အောင်ဆန်းနိုင်ငံရေးလောကထဲကို စ၀င်တုန်းက၂၅နှစ်ပဲရှိပါသေးတယ်...သူဘာတွေလုပ်ခဲ့သလဲ...ဘာတွေတွေး
တောခဲ့သလဲ .....ပြီးတော့ လယ်တီဆရာတော်တုန်းကလည်း ဋီကာကျော်အမှား၃၀၀ကျော်ကိုထောက်ပြဝေဖန်တုန်းကလည်း
တစ်နိုင်ငံလုံးပွက်ပွက်ကိုညံလို့ ...အဆုံးမှာ အမှားကိုအားလုံးလက်ခံကြရတာပဲမဟုတ်လား....အတွေးလေးတစ်ခုအများ
အမြင်ကနေ ကွဲလွဲသွားပြီဆိုရင် အားလုံးကမေးငေါ့ ပြစ်တင်ဖို့ပဲအရင်စဉ်းစားကြတာအရမ်းကို ကြေကွဲဖို့ကောင်းပါတယ်....ကိုယ်
မစဉ်းစားရဲမတွေးတောရဲရင်တောင်မှ စဉ်းစားတွေးခေါ်တက်တဲ့သူကို ပြစ်တင်ရှုံ့ချတာကတော့ သေးသိမ်ရာကျလွန်းပါတယ်....ဆန့်ကျင်ဘက်
အကြောင်းအရာ တွေကို တောင်မှ သေချာရေရာမှုမရှိဘဲ လက်လွတ်စပယ်ဝေဖန်အပြစ်မတင်သင့်ပါဘူး....ဘုရားရှင်ကိုယ်တော်တိုင်
ကာလာမသုတ်မှာအပြည့်စုံဟောထားခဲ့တာပဲလေ...လောကမှာ ဘာမှမစဉ်းစားမတွေးခေါ်တက်ပဲ ဘ၀တစ်ခု ကိုကုန်ဆုံးသွားရခြင်းဟာ
အင်မတန်မှ ကြီးမားတဲ့ဆုံးရှုံးမှုပါပဲ....အတွေးအခေါ်သေဆုံးခြင်းကသာ
ဘ၀ရဲ့ အကြီးမားဆုံး  နစ်နာဆုံးရှုံးမှုဖြစ်တယ်ဆိုတာ နားလည်နိုင်ကြပါစေလို့ ပဲမျှော်လင့်နေမိပါတယ်

လျှာ

တစ်ထွာသာသာလေးရှိတဲ့လျှာတစ်ချောင်းက ခြောက်ပေလောက်ရှိတဲ့


လူတစ်ယောက်ကိုသေစေနိုင်တယ်တဲ့...ထိန်းချုပ်နိုင်ဖို့ခက်ခဲတာလည်း


အမှန်ပဲ...သူကပဲ စီရင်ချက်တွေချနေတာ..ချစ်သူတွေမုန်းအောင်၊


မုန်းသူကိုချစ်လာအောင်လုပ်ပေးတာ၊ အလိမ်အညာ၊ပလီပလာ၊ ကလီကမာနဲ့ မသတီစရာ စတဲ့စကားတွေသစ္စာ မေတ္တာ ဂရုဏာ


ချစ်တာတွေ အားလုံးသောစကားတွေက ဒီလျှာပေါ်ကပဲ ထွက်ကျလာတာ


လေ...လျှာပေါ်မှာစကားတွေရှိတာလား ဒါမှမဟုတ် စကားလုံးတွေချောမွေ့


စေဖို့လမ်းခင်းပေးတာလား..တွေးစရာပဲနော်..အားလုံးကမှီခိုနေရတဲ့


ဒီလျှာက ကောင်းခြင်းဆိုးခြင်းတွေကိုပေးစွမ်းနိုင်တာတော့အသေအချာပါ


ပဲ.ဒီလျှာကပဲ ဘာသာစကားတွေကွဲပြားစွာ....


ဒီလျှာနဲ့ပဲ အရသာတွေကွဲပြားစွာ


ဒီလျှာနဲ့ပဲ ကမ္ဘာကြီးလည်းကွဲပြားစွာ


ဘ၀တွေကိုတိုးတက်စေတာ


ယုတ်လျော့နိမ့်ကျစေတာ


ဇောက်ထိုးမိုးမျှော်ဖြစ်စေတာ


အရိုးမပါတဲ့ဒီလျှာ

ငါမနိုင်တဲ့ငါ

   ကြံစည်သမျှအားလုံး ဖျက်ဆီးတက်တာလည်းငါ...ရှေ့တိုးမလိုနဲ့ နောက်ပြ
န်တွန့်ဆုတ်နေတက်တာလည်းငါ...ရှောင်တိမ်းနေမယ်စိတ်ကူးပြီး ၀င်တိုးနေတက်တာလည်းငါ...ငါခိုင်ကြည်တော့မယ်လို့ ဆုံးဖြတ်ပြီး
လျော့ရဲ နေပြန်တာလည်းငါ...ရင်ထဲမှာသံမဏိ စည်းကမ်းတွေထုတ်ပြီး
အပြင်မှာ အရည်ပျော်စေတာလည်းငါ..
ကျွန်တော်ဟာ မခိုင်မာတဲ့ကောင် ပျော့ညံ့တဲ့ကောင် နဝေတိမ်တောင်ဖြစ်
နေတဲ့ကောင် ကိုယ့်ကိုယ်ကို မနိုင်တဲ့ကောင်..ဒါနဲ့များ တောင် ဖြစ်ချင်တာ
တစ်ပုံတစ်ခေါင်းကြီးလို့ပြောသေးတယ်..သူများတွေကိုလည်းဖြစ်စေချင်လိုက်
တာတဲ့ ..စွန့်သူတွေသာ စားရမယ်ဆို တဲ့စကားလေးလိုပေါ့..လောကကြီး
မှာထိုက်တန်တဲ့ အရာကို လိုချင်ရင် ထိုက်ထိုက်တန်တန် စွန့်လွှတ်မှ ရတက်ပါတယ်..လွယ်လင့်တကူသာ ရစတမ်းဆိုရင် တန်ဖိုးရှိတဲ့ အရာတွေ
တန်ဖိုးရှိတဲ့ ပုဂ္ဂိုလ်တွေဆိုတာပေါ်ပေါက်လာမှာတောင် မဟုတ်ပါဘူး..စွန့်လွှတ်မှုဆိုတာ တကယ်တော့ သာမန်ပုဂ္ဂိုလ်တို့အတွက် အင်မတန်ကြီးမားတဲ့ မြင့်မြတ်မှု့ တောင်တန်းကြီးလိုပါပဲ...ကျော်တက်နိုင်ဖို့အင်မတန် ခက်ခဲလှတဲ့ တံတိုင်းကြီးပါ...ဘုရားရှင်က လေးသင်္ချေနဲ့ ကမ္ဘာတစ်သိန်း
လုံး လုပ်ခဲ့တာ စွန့်လွှတ်မှု့ပါပဲ...အားလုံးအတွက် စွန့်လွှတ်ခဲ့တဲ့ရလဒ်က 
ဗုဒ္ဓတစ်ဆူ ဆိုတာပွင့်ပေါ်စေခဲ့တာပဲလေ...လောကကြီးမှာ ကောင်းတာတွေကို ဖြစ်အောင်လုပ်ဖို့ လုပ်ဖြစ်အောင်လုပ်ဖို့  မိမိတို့စိတ်ကို ပိုင်ပိုင်နိုင်နိုင် ထိန်းချုပ်ပြုပြင်နိုင်စွမ်းရှိဖို့အရမ်းအရေးကြီးပါတယ်..အသေးအဖွဲကိစ္စလေး
တွေကိုတောင် မှ မထိန်းချုက်မပြုပြင်နိုင်ရင် ကြီးမားတဲ့ အရာတွေမှာအောင်အောင်မြင်မြင် ဆုံးဖြတ်လုပ်ကိုင်နိုင်ပါ့မလားဆိုတာ
တွေးမိကြဖို့လိုပါတယ်...လောကမှာကိုယ်မနိုင်တဲ့ အရာဟာကိုယ်စိတ်
ပါ..အဲဒီစိတ်ကို အတော်အတန် ထိန်းသိမ်းချုပ်ကိုင်နိုင်ပြီဆိုရင်ပဲ
အောင်မြင်ဖို့ အတွက်ရာခိုင်နှုန်းအတော်လေးများနေပါပြီ....အားလုံးဟာ
အောင်မြင်တိုးတက်ချင်သူတွေဆိုတော့ မကောင်းဘူးလို့ထင်တဲ့အရာတွေကို ဘယ်လိုနည်းနဲ့မဆိုစွန့်ကြဖို့...ကောင်းတယ်ထင်တဲ့အရာတွေကို တွန့်ဆုတ်စေတဲ့ အရာမှန်သမျှ ၀င်မလာနိုင်အောင် တားဆီးစွန့်ပယ်ပစ်
နိုင်ကြဖို့အရေးကြီးပါတယ်...ငါသာငါဘ၀ရဲ့အရှင်ဖြစ်အောင် ကြိုးစားနိုင်ကြရင်.....
 

ဆွံ့အမိုးရေ

လင်းရောင်ခြည် လာခါနီးပြီဆိုတော့
အမှောင်ကပိုပြီးသိပ်သည်းလာတယ်ထင်ရဲ့ 
ငယ်စဉ်က ကလေးကဗျာလေးတွေအော်ကျက်ခဲ့သလို
ရင်ထဲမှာသံမှိုနှက် အလွတ်ရတက်ခဲ့တယ်
လူတွေရဲ့မျက်နှာတွေနဲ့ ယဉ်ပါးပါများလာတော့
ခုတော့ ကဗျာတွေကိုမကျက်ဘဲ ရနေတက်ပြီ
တွန့်ကြေဖောင်းပွနေတဲ့ ရင်ဘတ်ကြီးကို
မီးပူထိုးခေါက်သိမ်း ထားရတော့မယ်
သူတစ်ပါးကို ဖတ်တက်တဲ့ ပညာကို
သဘာဝကြီးက အားပါးတရသင်ပေးလိုက်တော့ 
မယုံသင်္ကာဖြစ်တက်တဲ့ စိတ်က အရွယ်ရောက်လာတယ်
ကိုယ့်ကိုချစ်ခင်ခဲ့သူတွေနဲ့ မုန်းတီးနေသူတွေဆီကပါ
အကြည့်စူးစူးတွေနဲ့ ပစ်ပေါက်တာခံရတယ်
သဘာဝကိုဖီလာလုပ်ပြီး
ဂျိုတမြမြ လုပ်နေတဲ့ကောင်တဲ့
နားမထောင်ပါဘူး
စိတ်လိုလက်ရ ငိုရယ်လိုက်တယ်
ပီပြင်တယ်ဆိုတာ
လက်ခမောင်းမခတ်ခင်အရှုံးပေးလိုက်သလိုမျိုးထင်ရဲ့
ဘယ်သူမှ မချစ်ခဲ့ဘူးလို့ အော်ငြင်းရင်း
ဒူးထောက်ေ ချာ်လဲကျခဲ့တာ အကြိမ်ကြိမ်
ကိုယ့်သိက္ခာကိုယ်ပြန်ဆယ်ရင်း 
တစ်နေ့တော့ တိမ်တွေ အထပ်ထပ်
ထူထပ်နေသောနေ့တစ်နေ့မှာ
လူမသိသူမသိ 
တ၀ုန်းဝုန်းရွာပစ်လိုက်တယ်
တကယ်တော့ ရောင်နှီမလာခင်
ကိုအသိုက်ထဲကထွက်ခဲ့သင့်တာ
ခုတော့
ပိုမှောင်လာတယ်
ပိုမှောင်လာတယ်..

အတ္တ

ငါသာ ပဓါနအကျဆုံးလို့ အမြဲတွေးနေတက်တဲ့ လူတွေ ..ဇာတ်လမ်းတစ်
ပုဒ်အတွက်တော့ ဇာတ်လိုက်တစ်ယောက်က အားလုံးထက်ထင်ပေါ်
နေတာမဆန်းပါဘူး..ဒါပေမယ့် ဒီသရုပ်မှန်သဘာဝလောကကြီးထဲမှာ
တော့ အားလုံးဟာဇာတ်လိုက်ပဲ..အားလုံးအရေးကြီးကြသူတွေကြီးပဲ..
သူတောင်းစားတစ်ယောက်မှာတောင် သူအရေးထားတဲ့ သူ့ကိုယ်ပိုင်
ဘ၀တစ်ခုရှိတယ်ဆိုတာ မေ့မနေဖို့ အရေးကြီးတယ်...လူအများစုမှာမြင်
နေရတာက ငါလုပ်တာမှန်တယ် ငါပြောတာမှန်တယ် ..တခြားသူတွေရဲ့ အမြင်တွေ သဘောထားတွေ ကိုဂရုစိုက်စရာမလိုပါဘူးလို့ ယူဆ နေထိုင်ကြသူတွေက ဒုနဲ့ဒေးပါပဲ...မိသားစုထဲမှာဆိုလည်း  ထိုနည်း၎င်းပါပဲ မိဘနှစ်ပါးကစပြီး သားသမီးတွေအားလုံးဟာ အရေးကြီးတဲ့သူတွေကြီးပါ..ဒါကိုမသိနားမလည် ထားလို့ရှိရင် အဲဒီမိသားစုဟာ မငြိမ်းချမ်းနိုင်ပါဘူး...အတ္တကြီးသူတစ်ယောက်ရှိရင်
အဲဒီပတ်ဝန်းကျင်ဟာ စစ်မှန်တဲ့ ပျော်ရွှင်မှု့ကို မရနိုင်တော့တာသေချာ
ပါတယ်..အပေါင်းအသင်း သူငယ်ချင်း မိတ်ဆွေ တွေနဲ့များများပေါင်း
သင်းမိလာတဲ့အခါ မှာ သူတို့ရဲ့စိတ်ဓါတ်တွေ အပြုအမူတွေ ကောင်းရင်ကောင်းသလို ပျော်ရွှင်မှုတွေ မျှဝေခံစားရပါ
တယ်.. တစ်ကိုယ်ကောင်းစိတ်ရှိသူတစ်ယောက် ပါနေရင်တော့ မစိုပြေ
တော့ပါဘူး..အတ္တဟာ အင်မတန် ကြောက်စရာကောင်းပါတယ်...မိသား
တစ်စု ရွာတစ်ရွာ မြို့တစ်မြို့ နိုင်ငံ တစ်နိုင်ငံ နဲ့ ကမ္ဘာကြီးတစ်ခု လုံး ပျက်ဆီးစေနိုင်တာ ဆိတ်သုဉ်းစေနိုင်တာ  အတ္တပါပဲ...စာရေးဆရာချစ်ဦးညိုရဲ့ ဟောပြောချက်ထဲက အကြောင်းအရာလေးတစ်ခုကို အမှတ်ရမိတယ်.....ကိုယ့်ပေါ်မှာ ကျေး
ဇူးတရားတွေများတဲ့ သူငယ်ချင်းတစ်ယောက်ရယ်...ခုချိန်ထိ ချစ်ခွင့်ပန်ထားဆဲ အဖြေပြန်မရသေးတဲ့ ကိုယ်သိပ်ချစ်တဲ့ မိန်းခလေး
တစ်ယောက်ရယ်...အသက်အရွယ်အိုမင်းလှပြီဖြစ်တဲ့ အဘွားတစ်ယောက်ရယ် ..မိုးတွေအရမ်းရွာပြီး လူတွေနဲ့ မနီးတဲ့လမ်းမတစ်ခုပေါ်မှာ ရှိနေတယ်...အဲဒီအချိန်မှာ ကိုယ်ကားကသူ
တို့နားကိုရောက်သွားတယ်ဆိုပါတော့ ..ကားကလည်း လူသုံးယောက်ပဲဆန့်တယ်..အဲဒီသုံးယောက်ကိုဘယ်လိုကယ်မလဲပေါ့
တွေးကြည့်ပါ...ကောင်မလေးနဲ့အဘွားအိုကိုသာကယ်သွားရင် ဟိုကကျေးဇူးရှိတဲ့သူငယ်ချင်း  ကျေးဇူးမသိတက်ရာကျမယ်..အဘွားအို
နဲ့သူငယ်ချင်းကိုကယ်လိုက်ရင် ဟိုက ကိုယ်အရမ်းချစ်ရသူ...ရတောင့်ရခဲ့အခွင့်အရေးကိုလက်လွှတ်လိုက်ရမယ်
....သူငယ်ချင်းနဲ့ ကိုယ်ချစ်ရသူကိုသာကယ်လိုက်ရင်လည်း....စာနာသနားစိတ်မရှိသူလို့ 
ပြောခံရမယ်..ကားမောင်းသူနေရာမှာသင်ဆိုရင်ဘာကိုရွေးချယ်မှာပါလိမ့်
တွေးတယ်ဆိုကတည်းကလူတွေဟာ ကိုယ့်နေရာကနေပဲတွေးတက်
ကြတယ်ဆိုတော့ အဖြေကရဖို့မလွယ်ဘူးဖြစ်နေတာပေါ့..ဆရာကတော့သူတွေးခဲ့ပုံကိုပြောပြပါတယ်
အဘွားအိုနဲ့သူ့သူငယ်ချင်းကို ကားမောင်းသွားခိုင်းလိုက်မယ်တဲ့ ..သူကတော့သူ့ကောင်မလေးနဲ့နေကျန်ခဲ့မယ်ပေါ့....ကိုယ့််နေရာကို ခဏလောက်ဖျောက်ပြီးစဉ်းစားတက်ဖို့လေးကို ပြောချင်တာပါ...ဘယ်သူနဲ့
ဘယ်နေရာမှာ ဘာပဲပြောပြော  ဘာပဲလုပ်လုပ် ငါ...ငါ...ငါ...ဆိုတဲ့အတ္တကို ရှေ့တန်းမတင်မိဖို့.....ငါအမြဲတန်းမှန်တယ်လို့တွေးတာလေးတွေ
ပြင်ဖို့ ....တကယ်တော့ အားလုံးဟာ ဇာတ်ပို့တွေ မဟုတ်ဘူး..ဇာတ်လိုက်တွေချည်းပဲဆိုတာ တွေးပေးတက်ဖို့ ...ဒါဆိုရင် 
ကမ္ဘာလောကကြီးကနေပျော်လာမှာပါ................................။

အဖေ့ရဲ့ တည်ကြည်ခြင်း

အဖေတွေ ရှေ့တန်းမှာပျောက်နေတာ ဘာကြောင့်လဲ.?ငယ်စဉ်က ကျောင်းပျော်အဖြစ် ကျောင်းစတက်တဲ့နေ့မှာ

ဆရာမ ကကျွန်တော့်ကို ပြောတယ် ..သားသား စာတော်အောင်ကြိုးစား

ရမယ်နော်..သားအဖေက သားကို ဂုတ်ပိုးပေါ်တင်ပြီး ကျောင်းကို လာပို့တာဆိုတော့ သားကသူများတွေထက်ပိုပြီး ပိုကြိုးစားရမယ်သိလား

အဲဒီတုန်းကတော့ ဘာမှန်းမသိ ခံစားရတာကို အမှတ်ရသေးတယ်..

ရှက်သလိုလို  ဂုဏ်ယူသလိုလိုမျိုး ..ကျောင်းသွားကျောင်းပြန် အဖေ့ဂုတ်

ပိုးပေါ်ကနေ ပြီး ကျောင်းတက်ခဲ့ရတာကို ခုရေးနေရင်းတောင် ပြန်သတိ

ရနေသေးတယ်..နေလောင်နေတဲ့ ကျောပြင်  ကြမ်းရှမာကျောနေတဲ့ အဖေရဲ့ လက်ဖ၀ါး တွေနဲ့ ရုန်းကန်ကျွေးမွေးခဲ့တဲ့အဖေ..အဖေဟာ သား

သမီးတွေ အတွက် ကျေးဇူးများလှပါတယ်..၀မ်းဗိုက်နဲ့ လွယ်မမွေးခဲ့ရပေ

မယ့် လက်ရုန်းတွေ ပခုံးတွေ အသမာတက်အောင် ရုန်းကန်ကျွေးမွေးခဲ့

တာအဖေပါ..ဒါပေမယ့် အဖေဟာ အထီးကျန် ဆန်လွန်းစွာနေခဲ့ ရပါတယ်..သားသမီးတွေနဲ့ အကျွမ်တ၀င် မဖြစ်တဲ့ အတွက်ကြောင့် အဖေဟာ သီးခြားဖြစ်နေသလိုခံစားနေရပါတယ်...သူကိုသူ့လည်း ကြေ

ကြေကွဲကွဲ ခံစားနေတက်ပြန်ပါတယ်...အမေတွေလောက် လက် လက်ပွန်းတတီး မရှိတဲ့ အတွက်ကြောင့် သားသမီးတွေနဲ့ အကျွမ်းတ၀င်မဖြစ်တဲ့ အပေါ်အားမလိုအားမရ လည်းဖြစ်နေမိမယ်ထင်ပါတယ် ..ကျွန်တော့်အဖေကို မချစ်ဘူးလားဆိုတော့ ချစ်တာပေါ့ ..အဖေတွေဟာ သူတို့ရဲ့ ရင်သွေးတွေ

အပေါ် တည်ကြည်တဲ့ ပြတ်သားတဲ့ အဆုံးအမတွေကြောင့် ပဲ သူတို့ ရဲ့ ကြင်နာတက်မှု စတာတွေကို ထင်သလောက်မပြနိုင်ခဲ့ ကြတာပါ..ကျွန်တော့်အဖေဆိုရင် မှတ်မိသလောက် လက်ဖ၀ါးနဲ့ တစ်

ခါလေးပဲ ရိုက်ခဲ့ဘူးတယ်..အရွယ်ရောက်တဲ့အထိ ကြောက်လိုက်တာဗျာ..

အမေရိုက်တာကတော့ မရေတွက်နိုင်အောင်ပါပဲ..ဒါပေမယ့် ကျွန်တော်

ဟာ အမေ ကိုမကြောက်ခဲ့ဘူး ..အမေကို ပိုပြီးတွယ်တာ

တယ်..အဖေ့ထက်ပိုပြီးရင်းနှီးတယ်.. တကယ်တော့အဖေဟာ  အချစ်တွေကို ဖော်ထုတ်မပြတက်တဲ့ ရိုးသားတည်ကြည်သောအဖေဆိုတာပါပဲ..............။

အမေ့ရဲ့ ရိုးသားခြင်း

      အမေအကြောင်းတွေနဲ့ ပတ်သတ်တဲ့ ကဗျာတွေစာတွေ တော်တော်
များများဖတ်ဖြစ်ပါတယ်..ဖတ်တိုင်းလည်း ခံစားမှု့ရသတစ်ခုခုတော့ ရပါ
တယ်..အမေတွေတိုင်းကို လူတိုင်းလောက်နီးပါး ချစ်ကြပါတယ်..သို့သော်
 အမေ့ ရဲ့ ဂုဏ်ပုဒ်တွေကို  သီကုံးရေးဖွဲ့ချင်ကြပေမယ့် မရေးတက်ကြပါဘူး
ကျွန်တော်ဆို အမေ့နဲ့ ပတ်သတ်တဲ့အကြောင်းတွေ အမေ့ရဲ့ ဂုဏ်တွေကို
ရေးဖို့ကျိုးစားခဲ့တာ အကြိမ်မနည်းပါဘူး ..ဒါပေမယ့် မအောင်မြင်ခဲ့ပါဘူး
အမေနဲ့ ဝေးတဲအရပ်ကို ရောက်လာလေလေ အမေ့ရဲ့ တန်ဖိုးကို ပိုသိသိ
လာလေလေ ပါပဲ..သူတပါးတွေက သူတို့အမေ တွေ အကြောင်းပြောပြတဲ့
အခါ တိုင်း အမေ့ကို ပိုတွေ့ ချင်လာတယ်..အမေ့ကို ပိုချစ်လာတယ်..ပြီး
တော့ ပိုပြီးနားလည်လာတယ်..တောသူမ အမေ ...ရိုးသားတဲ့ အမေ..ရိုးအ
မှုတွေနဲ့အတူ ဟန်ဆောင်မှု တွေကင်းတဲ့အမေ..ဒေါသထွက်တက်တဲ့ အ
မေ ပြုံးတက်တဲ့ အမေ ငိုတက်တဲ့အမေ လွမ်းတက်တဲ့ အမေ အဲဒီလို ပုံစံ
နဲ့ တောရွာလေးတစ်ရွာက ကျွန်တော့်ရဲ့ အမေပါ...မြို့ကြီးမှာ အနေကြာခဲ့
ပြီး မြို့ပြရဲ့ အရိပ်အောက်က ပြန်လာတဲ့ ကျွန်တော်က ဟန်မဆောင်တက်
ရိုးသားတဲ့ အမေ့ကို အားမလို အားမရ ဖြစ်ခဲ့ရတယ်...ဒါတွေဟာ အမေ့ရဲ့ 
အလှတရားဆိုတာ မမြင်တက်ခဲ့ဘူး...ခောတ်မမှီတဲ့ အမေ...၀တ္ထုစာအုပ်
လေးတစ်အုပ်တောင်မဖတ်ဘူးခဲ့တဲ့ အမေ...အဆင့်မြင့်ရုပ်ရှင်ရုံကြီးတွေ
စူပါမားကတ်တွေ  စင်တာကြီးတွေ အမေမရောက်ဖူးဘူး  အင်တာနက် အီးမေး ဆိုတာဘာလဲလို့ မသိဘူး ဖုန်းဆက်ရင် အကျယ်ကြီးပြောတက်
တဲ့အမေ ..အမေ့ကို ခောတ်နဲ့ အတော်ဝေးဝေးမှာ ကျန်နေခဲ့ ပြီလို့ တွေးပြီး ကျွန်တော် တွေးရင်း အားမရခဲ့ဘူး..တဖြည်းဖြည်းနဲ့ လူ့လောက အသိုင်းအ၀ိုင်းထဲ ကို တိုးဝင် မိတော့မှ အမေ့ဆီကရိုးသားမှု့
မျိုး..ဟန်ဆောင်ခြင်းကင်းတဲ့ ပွင့်လင်းမှု့မျိုး မတွေ့ ရတော့မှ ကျွန်တော်ဟာ  အမေ့ ရင်ခွင်ရှိရာ အရပ်ဆီကို တမ်းတ ရမ်းရော်နေမိနေတော့တယ်...အမေကျန်းမာပါစေ.............။

လူနဲ့ ဒေါသ

ဒေါသထွက်နေသူတစ်ယောက်ရဲ့ မျက်နှာလောက် အကြည့် ရဆိုးတာ
မရှိဘူး..ဒေါသက ကိုယ်အပါအ၀င် အားလုံးကို ဖျက်ဆီးပစ်တက်တယ်..
 လှပသူကို ရုပ်ဆိုးအောင် လုပ်ပစ်တက်သလို အခွင့်အေ၇းတွေအားလုံး
ကို ရိုက်ချိုးဖျက်ဆီးပစ်နိုင်တဲ့ ကြီးမားတဲ့ စွမ်းအင်တွေလည်း ရှိတယ်...
          ဒေါသောအတ္ထံ နဇာနာတိ တဲ့ 
လူဆိုတာမရင့်ကျက်သေးခင်တော့ ဒေါသဆိုတာကို အခိုင်းနွားတစ်ကောင်လို အသုံးချ ခဲ့ဖူးကြတာချည်းပါပဲ ..ရင့်ကျက်လာ
တော့လည်း အနည်းငယ် ထိန်းချုပ်လာနိုင်တယ်ဆိုရုံလေးကလွဲ ရင် ဒေါ
သကတော့ ရှိနေတုန်းပါပဲ ..အခါခွင့်သင့်လာလို့ ရှိရင် ခေါင်းထောင် လာ
ပြန်တာပါပေါ့..ငယ်ငယ်တုန်းက ကျွန်တော်ဆိုရင် ဒေါသ အရမ်းကြီးတက်တဲ့ လူတစ်ယောက်ပါ ..မိသားစုပြဿနာတွေရဲ့ ဖိစီးမှု့ 
မှတဆင့် လောကကြီးကို အဆင်ပြေအောင် မကြည့်တက် မမြင်တက်
ခဲ့တော့ အားလုံးရဲ့အဝေးမှာ အထီးကျန်နေခဲ့ ရတဲ့ ရက်တွေက ရှည်ကြာခဲ့ရပါတယ်..ဒေါသကြောင့် ဆုံးရှုံးခဲ့ ရတာတွေလည်း မနည်းပါဘူး...ဒေါသကြောင့်ဘဲ မိသားစုစိတ်ဆင်းခဲ့ ရတာကို သင်ခန်း
စာမယူဘဲ မိဘတွေအပေါ်မှာတောင် အမြင်မကြည်နိုင်ခဲ့တဲ့ အထိ တောက်လောင် နေခဲ့ ဘူးပါတယ်...အသက်အရွယ်လေး နဲနဲ ရ
လာတဲ့ အထိ ကိုယ့် ဒေါသကို တောင် ကြံဖန်ဂုဏ်ယူ နေတဲ့ အထိ ဒေါသယမ်းအိုးထဲမှာ ပျောက်ဝင်နေခဲ့မိပါတယ်..တကယ်တော့ဒေါ
သဆိုတာ တကယ်ဆိုးရွားကြမ်းတမ်းတက်မှန်း သိခဲ့ ရပြီးတဲ့နောက် 
ကုန်လွန်ခဲ့တဲ့ အချိန်တွေမှာ အဲဒီဒေါသတွေကြောင့်ရ ခဲ့ တဲ့ ဆိုးကျိုးတွေကို ဆင်ခြင်နားလည်တက်ခဲ့ပါပြီ..ကိုယ်သာနာပစေ စိတ်မနာစေနဲ့ ဆိုတဲ့ ဘုရားရှင်ရဲ့ တရားတော်ကိုဆင်ခြင်သင့်တယ်ဆိုတာ သဘောပေါက်လာပါတယ်.. ဒေါသရဲ့ဆိုးကျိုးတွေကိုရေးပြရင် ကုန်နိုင်
ဖွယ်မမြင်ပါဘူး ..ဒါကြောင့် ဒေါသရဲ့ ဆိုးကျိုးရလဒ်တွေကို ကိုယ့်ပတ်
ဝန်းကျင်မှာ ကြည့်ပြီးလေ့လာပါလို့ပဲ ပြောချင်ပါတယ်.... ဒေါသဟာ 
အရုပ်ဆိုးစေ ခြင်း အခွင့်အလမ်းတွေဆုံးရှုံးစေခြင်း  အားလုံးကိုလောင်ကျွမ်းစေနိုင်ခြင်း လူ့ပတ်ဝန်းကျင်မှ အထင်သေးရှုတ်ချစေခြင်း အထီးကျန်ဆန်ခြင်း စတဲ့ ရလဒ်ဆိုးတွေ

ခံစားရစေတဲ့ အတွက်ကြောင့် အတက်နိုင်ဆုံး ထိန်းသိမ်းနေနိုင်ကြပါစေလို့ ဆန္ဒပြု လိုက်ရပါတယ်.......................။ 

   
 

နားလည်မှု့

လူဆိုတာ မှားတက်တဲ့သတ္တ၀ါ တွေပါပဲ ...ဒါပေမယ့် ထပ်တလဲလဲ မှားနေတက်တဲ့ လူတစ်ယောက်အတွက်

တော့ သူတစ်ပါး တင်မကဘူး ကိုယ့်ကိုယ်ကိုအတွက်လည်း ပြ ဿနာ တစ်ခု ဖြစ်နေတက်ပါတယ်..

ပြန်နှုတ်ယူလို့မရ ပြန်ပြင်ဆငိလို့မရ တဲ့ မှားယွင်းမှု့တွေရှိသလို  ပြင် လို့ရတဲ့အမှားတွေလည်းရှိပါတယ်

ပြင်ဆင်ဖို့အခွင့်အရေးတွေရှိပါလျှက် စိတ်အလိုလိုက်ပြီးဆက်မှားနေမယ်ဆိုရင်တော့ ဒါဟာ ခွင့်လွှတ်ခြင်း

နားလည်ခြင်း တွေရဲ့ အဝေးကိုပြေးထွက် နေတာလို့ပြောရမှာပါပဲ..သေးဖွဲ သိမ်နုတ်တဲ့ အကြောင်းတရားလေးတွေအပေါ်မှာ အမြဲတမ်း အာရုံစိုက်နေခြင်းဟာလည်း တစ်ခါတစ်ရံ ကြီးမားတဲ့

အလုပ်တွေမှာ အနှောက်အယှ က်အဟန့်အတားတွေဖြစ်နေတက်ပါတယ်...ပြဿနာတစ်ခုကို ရင်ဆိုင်ဖြေ

ရှင်းစရာကြုံ လာတဲ့အခါ ပူပူလောင်လောင် ဆုံးဖြတ်လုပ်ကိုင်တက်သူဟာ ရာခိုင်နှုန်းတော်တော်များများမှား

နိုင်ပါတယ်...စေ့စပ်သေချာခြင်းဟာ ကောင်းတယ်လို့ ပြောကြပေမယ့် ဒါဟာတစ်ခါတစ်ရံမှာ အကြီးအကျယ် 

ပြဿနာတစ်ခု ဖြစ်နေတက်ပါတယ်..ဘာလို့လဲ ဆိုတော့ အရာ အားလုံးဟာ တရပ်စပ် ပြောင်းလဲနေတယ်

မဟုတ်လား..ပြောင်းလဲ ခြင်းတရားကို လက်ခံ ထားတယ်ဆိုရင်တော့တမျိုးပေါ့..မဟုတ်ရင် ဒါဖြစ်ကိုဖြစ်ရမယ်ဆိုတဲ့ တိကျမှု ကိုမျှော်လင့်ထားတာဖြစ်လို့ အင်မတန် ထိခိုက်ကြေကွဲ နိုင်တဲ့အဖြစ်မျိုးတွေ 

ကြုံတွေနိုင်လို့ပါပဲ...ကိုယ်ကစေ့စပ်သေချာသူဆိုတော့ သူတစ်ပါးကိုလည်း ကိုယ်လိုပဲ ဖြစ်စေချင်မှာပဲလေ

ဖြစ်မလာရင် ဘယ်သူ ပုလောင်ရမှာလဲ....ကိုယ်ဖြစ်ချင်တာကိုပဲ အလေးပေးမယ်ဆိုရင်လည်း  ကိုယ်က အတ္တ ကြီးတဲ့သူဖြစ်သွားမှာပေါ့...တကယ်တော့ ပြဿနာတစ်ခုကို ရင်ဆိုင်ရာမှာပဲ ဖြစ်ဖြစ် ဖြေရှင်းတဲ့ အခါမှာပဲ

ဖြစ်ဖြစ်  သူဘက်ကိုယ့်ဘက် မျှမျှတတ မြင်တက် ကြည့်တက်ဖို့ အရေးကြီးပါတယ်..တကယ်စိတ်ပျက်စရာ အ

ခြေအနေက သူတစ်ပါးကို နားလည်မှု့မပေးဘဲ ကိုဖြစ်ချင်တာကို ပဲ ကြည့်ပြီး အရမ်းကာရော အပြစ်တင်တက်

တဲ့ စိတ်ပဲ...ဆင်ခြင်သုံးသပ် မှု မရှိတဲ့ စိတ် နားလည်မှု မပေးနိုင်တဲ့စိတ်ကို ပိုင်ဆိုင်ထားခြင်းဟာ ကိုယ့် ကိုယ်

ကို တူးဖြို ပစ်နေခြင်း လို့ပြောရမှာပါပဲ...လောကမှာ အရာရာကို နားလည်မှု့ မပေးနိုင်သေးသရု တော့ ကိုယ်ကိုယ်တိုင်ရော သူတစ်ပါး တွေနဲ့ပါ ဘယ်တော့ မှ အဆင်ပြေမှာ မဟုတ်ပါဘူး...လူတွေလိုအပ်နေတယ်ဆိုတာကလည်း တစ်ဦးပေါ်တစ်ဦး အပြန်အလှန် နားလည်ခွင့်လွှတ်

နိုင်ခြင်းဆိုတာပါပဲ.............။ဒါဆိုရင် 

လွယ်ပြီးခက်တဲ့အရာ

စာရေးဆရာကြီးအောင်သင်းရဲ့စကားလေးပါ သူကပြောတယ် ဒီမှာကို့လူ ရိုးသားချင်သပ ဆိုရင် ကြိုက်သလောက်ရိုးသားလို့ရတယ် ..တခြားဘာအရည်အချင်းမှမလိုဘူး ..ဆယ်တန်းအောင်ဖို့မလိုဘူး..ကွန်ပျုတာသင်တန်းအောင်ဖို့မလိုဘူး ရုပ်ချောဖို့ ဗလကောင်းဖို့မလိုဘူး  ဒီထက်လွယ်တာဘာရှိသေးလဲ ဒါကြောင့် အလွယ်ဆုံးလို့ပြောလိုက်ရတာ...။

ဟုတ်ပါတယ်....ဟန်ဆောင်မှု့ တွေ များတဲ့ လောကကြီးမှာ ဟန်ဆောင်မှု့ကင်းခြင်းဟာ ချစ်စရာသိပ်ကောင်းပါတယ်..ဟန်ဆောင်မှု့မရှိခြင်းဆိုတာ လိမ်ငြာမှု ကင်းခြင်းလို့ပြောလို့ရတယ်..ကြိုက်ရင်ကြိုက်တယ်..ချစ်ရင်ချစ်တယ်...အိပ်ချင်အိပ်မယ်..စားချင်စားမယ်
သဘာဝအတိုင်း အလိုက်သင့်စီးမျောသွားရုံလေးပါပဲ..သို့ပေမယ့် လူတွေဟာဟန်ဆောင်မှုထဲမှာ အသား
ကျနေတဲ့သူတွေဖြစ်နေတော့ ခက်တယ်...ဂုဏ်မရှိပေမယ့် ဂုဏ်ရှိချင်ယောင်ဆောင်  ငွေမရှိပေမယ့်ရှိသယောင် ပညာမရှိပေမယ့် ပညာရှိယောင် မချစ်ပေမယ့်ချစ်သယောင် အဲဒီလို ယောင်..ပေါင်းများစွာ နဲ့ နေသားတကျ ဖြစ်နေပြီဆိုတော့
ပကတိရိုးသားမှု့ဆိုတာ ရှာလို့မတွေ့လောက်အောင်ကို ရှားနေတာဆိုတော့ တန်ဖိုးရှိရှား ပါးတဲ့ ရတနာဖြစ်နေတယ်...ဟန်လုပ်ရင်းနဲ့ ဟန်ကျသွားတယ်ဆိုတဲ့ စကားလေးတော့ကြားဖူးပါတယ်..
ဒါပေမယ့် ဟန်ကျတာထက် ဟန်ပျက်သွားတာ တွေကပိုများတာ ပဲ တွေ့နေရတယ်
စစ်မှန်တဲပ မူရင်းအဇ္ဈတ္တ ကိုကွယ်ပျောက်သွားစေတာဟာ မရိုးသားခြင်းဆိုတဲ့ တရားပါပဲ...
နောက်ဆုံးပြောရရင် အတုတွေရဲ့ ၀ါးမြိုခြင်းကိုခံ လိုက်ရတဲ့အတွက် အစစ်ဆိုတာ ကို မှတ်ကျောက်တင်
ပေးသလိုမျိုး လူတွေမှာ ရှားပါးပျောက်ကွယ် လုလုဖြစ်နေတဲ့ ရိုးသားမှု့ က တစ်နေ့ထက်တစ်နေ့ တန်
ဖိုးကြီးမားလေလေ ဖြစ်လာတာကိုတွေ့ရတယ်...ဒါကြောင့်ရိုးသားချင်သပ ဆိုရင် ပတ်ပတ်စက်စက် ရိုးသားကြပါလို့ ...........ပတ်ပတ်စက်စက်ရိုးသားရင် ပတ်ပတ်စက်စက် အောင်မြင်နိုင်ပါတယ်.....
ရိုးသားမှုနဲ့ အ  တာတော့ကွဲ ပြားပါစေပေါ့........ဆန္ဒပြုလျှက်.....................................................။

လမ်းတော့ရှိတယ်

      ဖြစ်ချင်တာတွေ ဖြစ်နိုင်ခွင့်ရှိဖို့  တစ်ခါတစ်လေ စွန့်လွှတ်လိုက်ရတာတွေက သိပ်များတယ်
ကျွနုပ်တို့ ဘ၀မှာ နေ့တိုင်းဆုံးရှုံးနေရတာက အချိန်တွေပါပဲ ..ထိုင်နေနေ ..အိပ်နေနေ..ဘာပဲလုပ်နေနေ
လက်လွတ်ဆုံးရှူံးခံလိုက်ကြရတာပါပဲ .. လောကတိုက်ပွဲ တွေ အလီလီ နွှဲပြီး အောင်မြင်မှုသရဖူကို 
ရယူဖို့ ကြိုးစားနေကြပေမယ့် အရှူံးနဲ့ စတင်လာခဲ့ ကြတဲ့ဝမှာ အရှူံးနဲ့ပြန်ထွက်သွားရမှာကတော့ 
အသေချာပါပဲ..ဒါဟာ လောကသားတစ်ယောက်အတွက် သဘာဝဓမ္မကြီးက ချမှတ်ပေးထားတဲ့ 
စည်းကမ်းပါပဲ...ကျွနုပ်တို့အားလုံး  တစ်ဦးပေါ်တစ်ဦး သာအောင်လူမှုရေး  စီးပွားရေး  ပညာရေး အချစ်ရေး
စတာတွေကို စွမ်းစွမ်းတမံ အားထုပ်လုပ်ကိုင်နေကြတာအချိန်တိုင်းလိုလိုပါပဲဒါတွေကိုအောင်ပွဲတစ်ခုသာယာနှစ်သက်နေကြပေမယ့်သဘာဝတရားကြီးရဲ့
ပင့်လက်သီးတွေကျွနုပ်တို့လူသားတွေရဲ့ အရှိူက်ကိုဘ၀င်ခိုက်အာင် ထိုးကြိတ်တိုက်ခိုက်နေကြတာကို သတိမထားမိကြပဲ
ပဒိုင်းသီးကို အားဆေးအထင်နဲ့ ကျေကျေနပ်နပ် မှားပြီး စားသောက်နေသလိုဖြစ်နေကြတယ်
သဘာဝဓမ္မဆိုတာ ကျွန်ုပ်တို့လူသားတွေ မဆိုထားနဲ့ ဘုရားရှင်တို့တောင်မှ လွန်ဆန်လို့မရတာဆိုတော့ 
အတက်ပညာတွေ   ဘယ်လောက်တက်တက်  ဘာတွေပဲ တီထွင်နိုင် တီထွင်နိုင်  ကမ္ဘာကြီးကို ခွစီးထားနိုင်တယ်ဆိုဦးတော့ ကျွန်ုပ်တို့အားလုံးဟာ အရှံးသမားတွေ ဆိုတာသေချာတယ်
အစကတည်းက အသက်ကို လောင်းကြေးထပ်ပြီးမှ ဘ၀ထဲ ကိုဝင်လာခဲ့ကြတာပဲလေ။
အနိုင်ယူချင်သပ ဆိုရင်တော့ နည်းလမ်းတွေတော့ရှိပါတယ်
ဒါကတော့ ဗုဒ္ဓရဲ့ သစ္စာလမ်းစဉ်ပါပဲ..............................။

ငါပိုင်တဲ့အရာလေး

်ငါကတော့ ဒီဘ၀မှာ တစ်ခါပဲ ဖြစ်ခွင့်ရှိတဲ့ သက်ရှိတစ်ကောင်ပေါ့...
ပန်လေးတွေကတော့ ကြွေတက်ဝေတက်ပြီး အဖန်ဖန် ဖြစ်ခွင့်ရှိတဲ့ 
သက်မဲ့လေးတွေပေါ့....ငါကတော့ အရေပါးပါးလေးတွေဝတ်ရုံထားနဲ့ 
ဝတ်ရုံထားပါတယ်...အတောင်ပံမရှိပေမယ့် လိုရာကို ပျံသန်းနိုင်ပါတယ်
ပန်းလေးတွေခမျာမှာတော့ ............
ဒီလိုနဲ့ တစ်တောဝင် တစ်တောထွက် အိပ်မက်တွေအဓမ္မ မက်ဖြစ်တယ်..
စိတ်ကူးတွေကို အနိုင်တိုင်း ကျင့်တယ်..မျှော်လင့်ချက်တွေကို ဓါးပြ တိုက်တက်လာတယ်
ဒါဟာလိုအင်တွေမဟုတ်သလို လိုချင်တာတွေမဟုတ်မှန်းသိပေမယ့် 
သူဝေခွဲရခက်စွာ ပြုံးတက်တယ်
အမြီးအမောက်မတည့် တဲ့ အထုပ္ပတ္တိ တစ်ပုဒ်ကို အော်ဖတ်ခိုင်းသလိုမျိုး
နားဝမှာခြင်တစ်ကောင် ပျံ ပြေးတယ်
အပြုံးချင်းဖလှယ်ဖို့ ပြန်ပြုံးပြ ရတာ ပါးတောင်တက်သော သူတွေအတွက် 
ဆေးမရှိသေးပါဘူး...းဒါပေမယ့်  သတ္တိကြောင် လူသားတစ်ယောက်အတွက်
ယက်မ မပါတဲ့ အိမ် မှာပဲ နေပေ့စေပေါ့ ..
ဒါပေမယ့်   ..တို့တွေကံကောင်းကြပါတယ် တို့မှာနာရီတွေရှိတယ်
တို့မှာညတွေရှိတယ်..ကဲဘာလိုသေးလဲ  ပြီးတော့ ဘယ်သူမှ ခိုးလို့မရတဲ့ 
အိပ်မက်တွေလည်းရှိသေးတယ်.............။
ကဲ...........................................................။

မသေချာခြင်းတွေထဲက သေချာမှု

ှု ဘာပဲပြောပြော သေချာတာတစ်ခုကတော့ သေခြင်းတရား ပဲ။ အားလုံးကိုကြည့်ဖူးကြမှာပါ။ လမင်းကြီးကိုသိကြတယ်။ဓူဝံကြယ်ကြီးကို သိကြတယ်။ဖျောက်ဆိပ်ကြယ်လေးတစ်စုကို သိကြတယ်။မှိန်တုတ်မှိန်တုတ် လင်းလက်နေကြတဲ့ အညတရ ကြယ်လေးတွေကို မြင်သာမြင်ကြပြီး နာမည်တွေကိုမသိကြဘူး။ ကျွနုပ်တို့တွေဟာ လည်းအလွန်သေးငယ်တဲ့ အစက်အပျောက်လေးတွေပါ။စကြာဝဠာရဲ့တစ်နေရာရာကနေ ကြည့်မယ်ဆိုရင်ပေါ့။မထင်မရှားနဲ့လင်းလက်ပြီး ဖြုတ်ခနဲ ကြွေကျသွားကြတဲ့ ကြယ်လေးတွေလိုနေမှာပဲ ။ ဓူဝံ ကြယ်ကြီးဖြစ်ချင်ရင်တော့ လမင်းကြီးဖြစ်ချင်ရင်တော့ ဖြစ်ခွင့်တော့ရှိပါတယ်။ ဒါပေမယ့် သေချာတာကတော့ ကာလတစ်ခုခုမှာ ကြာရှည်တည်တံ့ဖို့ ကတော့ လုံးဝမသေချာဘူးလေ။ ဒါဆိုရင်ကျွနုပ်တို့ ဝေးလံတဲ့ စကြာဝဠာတစ်နေရာ ရာကနေမကြည့်ဘဲ ကိုယ့်ပတ်ဝန်းကျင် အသိုင်းအ၀ိုင်း လေးမှာပဲ ဖြစ်ဖြစ်ပေါ့။ တပိုင်တနိုင် ထွန်းလင်းတောက်ပခွင့် ရှိကြပါတယ် ။ သေချာမှုခရီးတစ်ခုရဲ့ အဆုံးသတ်ကို မရောက်ခင်မှာ ကျွနုပ်တို့ ဘယ်အတိုင်းအတာအထိ လင်းလက်ပြနိုင်ကြမလဲ  ဘယ်လောက်အင်အားကြီးကြီးနဲ့ပေါ့။ ကိုယ့်မိသားစုရဲ့ မျှော်လင့်ချက်တွေ ကိုယ့်ပတ်ဝန်းကျင်ရဲ့ ကိုယ်းစားမှု့တွေ အားလုံးရဲ့ ထင်စားမှု့ တွေအပေါ် ဘယ်လောက်အထိ ဘယ်အတိုင်းအတာထိ ဆောင်ကြဉ်းပေးနိုင် မလဲ ။ သေချာတာကတော့ သေချာတယ်နော် တစ်နေ့နေ့ သင်ဟာ............................ဦးမှာလေ။။။။
                                                                                                  အနော်မာ

စွမ်းအားဖြည့်ကြမယ်

လောကကြီးမှာ အောင်မြင်မှူ့ဆိုတာ လူတိုင်လိုချင်တပ်မက်ကြတဲ့ အရာပါ..အောင်မြင်မှူ့ရဖို့အတွက် နည်းလမ်း
ပေါင်းများစွာ အသုံးပြုပြီးလုပ်ကိုင်းနေကြတာကိုလည်း တွေ့မြင်နေကြရပါတယ်။ အဲဒီလို အောင်မြင်မှူ့ဆီကိုသွား
ကြရာမှာ တစ်ချိူ့ တွေဟာ မှားယွင်းတဲ့လမ်းကြောင်းပေါ်ကို ရောက်မှန်းမသိ ရောက်သွားတက်ကြပါတယ်။
အောင်မြင်မှူ့ရဖို့ အတွက်ပထမဆုံး လိုအပ်တဲ့အရာက သဒ္ဓါတရားပါ ..ယုံကြည်မှူ့ပါပဲ ဘယ်အရာမဆို ယုံယုံကြည်ကြည် ရဲရဲရင့်ရင့် လုပ်ဆောင်သွားမယ်ဆိုရင် အောင်မြင်ဖို့(၇၀%)နှုန်းသေချာပြီလို့ပြောလို့ရပါတယ်။
ဒီနေရာမှာပြောချင်တာက ဘ၀ တက်ကျမ်းကို မဟုတ်ပါဘူး။ အောင်မြင်ဖို့ကြိုးစားနေတဲ့အခိုက် စိတ်စွမ်းရည်
တိုးတက်ကောင်မွန်စေတဲ့ ဗုဒ္ဓကိုပူဇော်တဲ့ ဂါထာလေးတစ်ပုဒ် လက်ဆောင်ပေးချင်တာပါ။
ဒီဂါထာကို ဖော်ထုတ်ပြခဲ့သူကတော့ ဗန်းမော်ဆရာတော်ကြီးပါ။သာသနာလောကမှာနေလို လလို ထင်ရှားကျော်ကြားခဲ့တဲ့ ၀တ်ချက်မင်းကျောင်းဆရာတော်ကြီးနဲ့ ရသေ့ကြီးဦးခန္တီတို့ တစ်ဘ၀လုံးရွတ်ဆိုပူဇော်ခဲ့ကြတဲ့ ဂါထာပါ ။ ဂါထာပေးတေးဖြစ်ဆိုသလို ဖြစ်သွားမှာကိုလည်းစိုးရိမ်းမိပါတယ်။ကိုယ်တိုင်ရွတ်ဖတ်ကြည့်ပါလို့ပဲ တိုက်တွန်းချင်ပါတယ်။
အံ့ဖွယ်အကျိုးတရားတွေကို ပြောပြနေရင် ယုံကြည်မှူ့ အားနည်းနေမှာစိုးလို့ ပါ။ဂါထာက လေးပါဒ ထဲပါ။
                   အရဟံ  ဗဟိ အန္တဇယျံ သုဂတံ
                   အမိတံ ၀ိရဇံ လလိတံ အတုလံ
                   စရဏံ တိဘ၀ူပသမံ သုခဒံ
                   ယမကံ သရဏံ ပဏာမာမိဇိနံ။
အရဟံ-လူမင်းနတ်မင်းဗြဟ္မာမင်းတို့၏၀ပ်ဆင်းကော်ရော်ပုဇော်အထူးကို ခံယူတော်မူထိုက်ပါပေထသော။
ဗဟိ အန္တဇယံသ-အတွင်းရန် အပြင်ရန်တို့ကို အတန်တန်အောင်တောင်မူပါပေထသော။
သုဂတံ-ကောင်းသောနိဗ္ဗာန်သို့ ပို့ဆောင်တော်မူပါပေထသော။
အမိတံ-မနှိူင်းယှဉ်အပ်သော ဂုဏ်တော်အပေါင်းနှင့် ပြည့်စုံတော်မူပါပေထသော။
ဝိရဇံ-ရာဂအစရှိသောကိလေသာ အပူမီးတို့ကို ငြိမ်းတော်မူတက်ပါပေထသော။
လလိတံ-ရောင်ခြည်တော်ခြောက်သွယ်ဖြင့် ကွန့်မြူးစံပယ် တင့်တယ်တော်မူတက်ပါပေထသော။
အတုလံ-သီလအစရှိသော ဂုဏ်တော်တို့ကြောင့် တစ်စုံတစ်ယောက်သောသူနှင့် တူတော်မမူပါပေထသော။
စရဏံ-ကိုယ်ကျင့်တရားနှင့် ပြည့်စုံတော်မူပါပေထသော။
တိဘ၀ူပသမံ-ဘ၀သုံးပါးဘုံသုံးပါတို့ဉ် ငြိမ်းအေးတော်မူပါပေထသော။
ယမကံ-ရေမီးအစုံ တန်ခိုးပြာဋိဟာတို့ကို ပြစွမ်းတော်မူပါပေထသော။
သရဏံ-လူ နတ် နဂါး သိကြား ဗြဟ္မာ သတ္တ၀ါဝေနေ များဗိုလ်လူတို့ ကိုးကွယ်ရာအစစ်ဖြစ်တောမူသော။
ဇိနံ-မာန်ငါးပါးကို အောင်မြင်တော်မူသော မြတ်စွာဘုရားကို ။
အဟံ- ဘုရားတပည့်တော်သည် ။
ပဏာမမိ-ရိုသေမြတ်နိုး လက်စုံမိုးရ်ျ် ရှိခိုးပါ၏ မြတ်စွာဘုရား။
၎င်းဂါထာကို မည်သည့်နေရာ မည်သည့်အချိန်မဆို ရွတ်ဖတ်နိုင်ပါသည်။အနက်အဓိပ္ပါယ် ကိုသိအောင်ဖတ်ထားပြီး ဂါထာ ကို မိမိတို့စွမ်းနိုင်သလောက် သဒ္ဓါစွမ်းအားရှိသလောက် ပူဇော်နိုင်ကြပါသည်။ 
အကျိုးတရားဟူသမျှသည် အကြောင်းတရားတို့အပေါ်သာတည်မှီနေကြပါသည်။ထိုကြောင့်.................။
ကုသိုလ်စွမ်းအားဖြည့်ကြပါလို့ဆန္ဒပြုလိုက်ပါတယ်။   .... ။  ။

အဖြည့်ခံ နှလုံးသားပိုင်ရှင်

သားသမီးတွေကို ပညာသင်ပေးခြင်းဟာ သူတို့တွေကို မိမိတို့မိဘတွေရဲ့ ရင်ခွင်ထဲကနေ
 အဝေးဆုံးကို ပျံသန်းထွက်ခွါသွားနိုင်အောင်လို့ အတောင်ပံ တက်ပေးခြင်းလို့ဆို ကြတယ်..
နှလုံးသားကို ဆွဲနှူတ်ခြေမွှခံ လိုက်ရသလို ဟာလာဟင်းလင်း ဖြစ်သွားနိုင်တဲ့ နာကျင်မှူ့ကို
ခံစားကြရပေမယ့်  သူတို့ကတော့  သူတို့ရဲ့သားသမီးတွေကို လှပ ပြည့်စုံတဲ့ အတောင်ပံ
လေးတွေကို တပ်ဆငိပေးဖို့ပဲ ရင်ထဲ မှာဆန္ဒရှိကြတယ်...လောကမှာ ကိုယ့်ရင်ကို အကွဲခံ 
ပြီး အနာကျင်ခံပြီး သားသမီးတွေအတွက် ပေးဆပ် ကာ သူတို့ဘ၀ကို မြှင့်တင်ပေးတက်
တဲ့ မိဘ တွေကိုမှ အဖြည့်ခံ နှလုံးသားပိုင်ရှုင်လို့ မပြောရင် .................................................။ 

မေတ္တာတရားရဲ့သဘောသဘာဝ

မေတ္တာတရားဆိုတာ သူတစ်ပါးကို မုန်းတီးခြင်းထဲကနေ ကယ်ထုတ်နိုင်တဲ့ တစ်ခုတည်းသော တရားပါ။

 

ကိုယ့်ကိုယ်ကိုလည်း ထုတ်မ ကယ်တင်နိုင်ပါတယ် ။ တစ်ဦးချင်းတစ်ယောက်ချင်းကနေစပြီး အလုံးစုံ 

ပြီးပြည့်စုံတဲ့ အင်ပါယာကြီးတစ်ခုကို တည်ထောင်နိုင်တဲ့ အစွမ်းသတ္တိလည်း ရှိတယ်။

မေတ္တာသည်သာလျင် ခက်ိထန်မာကျောပြီး ထုထည်ကြိးမားတဲ့ အာဃာတ တံတိုင်းကြီးကို တူးဖြိူလှန်လှဲ ပစ်

နိုင်တဲ့ စွမ်းအင်ထူးတွေရှိတယ်ဆိုတာ ယုံကြည်ဖို့တော့လိုတယ်။  ။.................................................................