Saturday, March 24, 2012

ဘယ်လိုအပင်မျိုးစိုက်မှာလဲ



     As you sow the seed so shall you reap the fruit.
ကိုယ်စိုက်ပျိုးတဲ့ အတိုင်း ကိုယ်ပြန်ရိတ်သိမ်းရမှာပဲ.....
     ကိုယ်ကအခါးပင်စိုက်ပြီးတော့ အချိုသီးစားချင်နေတာကတော့ လွန်တာပေါ့။  သဘ၀ဓမ္မဥပဒေ ဆိုတာ လူတွေ ချမှတ်ထားတဲ့ စည်းကမ်း
ဥပဒေတွေလို ပေါ့စေ လေးစေ ဆိုပြီး ပြုပြင်ပြောင်းလဲလို့လည်း မရတဲ့ အရာပါ..ကိုယ်က ဘယ်လိုအကြောင်းကောင်းတွေ ပြုလုပ်ခဲ့တယ်ဆိုတာ
က မျက်မှောက်မှာ အထင်အရှားသက်သေပြနေတာပါပဲ....လူချင်းအတူ
တူ တစ်ဦးကဆင်းရဲဆိုတာမသိလောက်အောင် ချမ်းသာနေချိန်မှာ တစ်ဦး
က စားရမဲ့ ၀တ်ရမဲ့ နေစရာမဲ့နဲ့ စုတ်ပျက်နေတာတွေ ဒါတွေကို တန်းတူညှိယူဖို့ ဆိုတာ တကယ်တော့ အခက်ခဲဆုံးအရာပါ။ သုဘလုလင်ကိုယ်တိုင် ဒီအကြောင်းအရာတွေနဲ့ ပတ်သတ်ပြီးဘုရားရှင်ကို မေးထားတဲ့ မေးခွန်းတွေ ကို သုဘသုတ်မှာတွေ့နိုင်ပါတယ်...လူချင်းအတူတူ တစ်ချို့ က အသက်ရှည်ပြီးတစ်ချို့ ကအသက်တိုကြတာ တစ်ချို့ကချမ်းသာပြီး တစ်ချို့က ဆင်းရဲတာဘာကြောင့်လဲစတဲ့မေးခွန်းတွေပါ..
ဘုရားရှင်ကိုယ်တိုင်တိကျ သေချာစွာ ရှင်းပြထားတာ တွေ့ရပါတယ်...
ကံတရားနဲ့ ပတ်သတ်ပြီး ရေရာပိုင်နိုင်စွာ သိနိုင်တဲ့ ဘုရားရှင်တို့သာ 
ကံတရားရဲ့ ချယ်လှယ်ဖန်တီးနိုင်စွမ်းကို သိတဲ့အတွက် ကြောင့် ကံတရား
ကသာလျှင် လူသားတွေကို ဖန်တီးနေတယ်ဆိုတာ သေချတိကျ ဟောပြနိုင်တာပါ။ ဒါကြောင့်ကောင်းတဲ့ အကြောင်းတရားတွေ ကို ပြုလုပ်လျှင်ကောင်းတဲ့ အကျိုးတရားတွေ ဖြစ်လာမယ်လို့ အာမခံ ဟောကြားနိုင်တာပေါ့ ။
တစ်ချို့တွေကတော့ မျက်မှောက်မှာ မကောင်းတဲ့ အကြောင်းတွေ လုပ်နေပါလျက် တင့်တယ်မြင့်မားနေတာတွေကို မြင်ပြန်တော့ ကံတရားကို ယုံကြည်မှု့ မရှိဖြစ်သွားတက်ကြပါသေးတယ်။ ဒါတွေကလည်းကံတရားရဲ့ အရှိန်အဟုန်တွေကြောင့်ပါပဲ။ 
ဆန်းကြယ်တဲ့ ကံဇာတ်ဆရာကြီးရဲ့ အလိုကို မသိနိုင်တဲ့ လူသားတွေ အတွက်တော့ ကံအကြောင်းကိုတိတိကျကျနားလည်ဖို့ အားထုတ်ကြိုးပမ်း
နေမယ့်အစား လောကကြီးအကြောင်း ကံတရားအကြောင်း ပိုင်နိုင်တိကျ
ဟောပြခဲ့တဲ့ ဗုဒ္ဓရဲ့ သဗ္ဗညုတဉာဏ်တော်ကြီးကို ကြည်ညိုလေးစားသော
သဒ္ဓါတရားနဲ့ ယုံကြည်ကျင့်သုံးလိုက်ရုံလေးနဲ့ ယခုမျက်မှောက်မှာရော
လာမည့်ဘ၀တွေမှာပါ အကျိုးတရားကောင်းတွေ ပိုင်ဆိုင်နိုင်ပါမယ်..
ဒါကြောင့် ဘာမှန်းမသိရမ်းလုပ်နေမယ့်အစား ဘုရားရှင် အလိုကျ ဒါကကောင်းတဲ့ အရာ လုပ်ရမယ်ဆိုရင် လုပ်နိုင်အောင်ကျိုးစားလိုက်ရုံလေးပါပဲ..ဒါကတော့ မကောင်းတဲ့ အလုပ်
ရှောင်ကြဉ်ရမယ့်အရာလို့ သိရင်ရှောင်ကြဉ်လိုက်ရုံလေးပါပဲ...
ဒါကြောင့်ဘာပဲလုပ်လုပ် ကိုယ်စိုက်ပျိုးတာ ကိုယ်ပြန်ရိတ်သိမ်းရတယ်ဆိုတာလေးသာ မိမိတို့စိတ်ထဲမှာ တွေးတိုင်း 
ပြောတိုင်း ကြံတိုင်း လုပ်တိုင်း သတိရဆင်ခြင်တက်မယ်ဆိုရင် မကောင်းတဲ့ မျိုးစေ့တွေကို စိုက်ပျိုးမိဖို့ဆိုတာ အတော်လေး နည်းပါးသွားမှာပါ...အဲဒီလို မကောင်းတာတွေကို မလုပ်မိဘဲ ကောင်းတာလေးတွေ ပိုမို အားစိုက် ကြိုးပမ်းလိုက်မယ်ဆိုရင်တော့ အနာဂါတ်မှာ ကောင်းတာတွေ ရိတ်သိမ်းရမှာမုချမလွဲပါဟု ဆိုလိုက်ချင်ပါသည်........
 

No comments:

Post a Comment